Eudes de Châteauroux, « dossier franciscain », sermo
4 (Schneyer : 719)">
<< | >> |
| Plan : synthétique classique pas de plan V. interventions éditoriales (en rouge) |
Thema
Iob VI° :
Que prius nolebat tangere anima mea, nunc pre angustia cordis cibi mei
sunt .
I :
Que prius Iob fugiebat, tunc amplectebatur
Iob, existens in statu
prosperitatis, dampna rerum, amissionem filiorum, paupertatem, uilitatem, opprobia,
corporis infirmitatem fugiebat nec ista tangere uolebat ; sed deductus ad statum in quo
pro lecto ambitioso sterquilinio sedebat et pannum mollem non habens saniem testa radebat,
que prius fugiebat, tunc amplectebatur et in illis delectabatur et ei cibi erant, ea
pacienter pro Domino sustinendo, et ideo dicebat que prius nolebat
et cetera.
II :
Hec eadem potuit dicere beatus Franciscus
(Francisci conuersio, Francisci humilitas, Francisci paupertas)
Hec eadem potuit dicere beatus Franciscus postquam
ad Dominum est conuersus . Ante enim paupertatem, uilitatem, opprobria, flagella
abhominabatur et asperitatem penitentie fugiebat , iuxta illud Ecclesiastici I° :
Execratio peccatoris cultura Dei
; Ecclesiastici VI° :
Quam aspera est
stulto sapientia . Tunc fugiebat opera laboriosa et hoc erat quia saciatus erat
deliciis mundi, pompa et uanitatibus, diuiciis et etiam delectationibus carnis, iuxta illud
Prou. III :
Hoc ostendit conuersionem hominis
Unde ibidem subiungitur :
Anima uero esu-[80vb]-riens etiam amarum pro
dulci sumetur. Legitur Matheo V° :
Beati qui esuriunt et siciunt iusticiam. Licet homo alias sit
mansuetum natura et opera pietatis et mansuetudinis naturaliter diligat et refugiat opera
crudelitatis et austeritatis, amor tamen iusticie facit eum talia esurire, ira etiam per
zelum, ut contra se ipsum iratus propter peccata sua puniat se ipsum, ut sicut exhibuit se
ipsum et cetera in operibus penitentie ut flagellis et ceteris asperitatibus que prius nolebat tangere se ipsum et cibus sacient. Et sicut contra
cor hominis est ut permittat sibi abscindi pedem uel manum, tamen hoc aliquando patienter
sustinet, et in hoc delactatur quando credit per hoc mortem euadere et uidet quod nisi hoc
fiat moritur. Unde Constantinopolitanus imperator Emmanuel creditur stulte egisse quando non
permisit sibi amputari manum que intoxicata erat, dicens quod non decebat romanum imperium
una manu regi. Sic homo propter salutem suam ea amplectitur et in eis delectatur que prius nolebat tangere. Sic fecit beatus Franciscus. Item pregnantes appetunt que prius nolebant tangere ut
acerba, uel amara, et etiam inuescibilia. Sic beatus Franciscus, postquam accepit gratiam
spiritus sancti et propositum agendi penitentiam, que prius nolebat tangere cibi sibi facta
sunt. Fuit enim de numero illorum de quibus dicit Ysa., IV :
Exemplo beati Francisci uanitates et delectationes
fugiamus
Exemplo ergo eius uanitates et delectationes
fugiamus paupertatem, uilitatem, opprobria et opera penitentie que prius [81ra] nolebamus tangere, amplectamur et cibemus nos eis, id est delectemur in eis,
et eis spiritualiter nutriamur ut possimus ad sanctorum consortia peruenire, ipso prestante
qui uiuit et regnat in secula seculorum. Amen.